|
05.10.24
ՄԱՍԻՍ ՀԱՄԱՅՆՔԻ ՂԵԿԱՎԱՐ ԴԱՎԻԹ ՀԱՄԲԱՐՁՈՒՄՅԱՆԻ ՇՆՈՐՀԱՎՈՐԱԿԱՆ ԽՈՍՔԸ
|
|
Հարգելի՛ ուսուցիչներ, կրթության բնագավառի ներկայացուցիչներ,Մեծագույն երախտագիտությամբ շնորհավորում եմ մասնագիտական տոնի` Ուսուցչի օրվա առթիվ: Երիցս ճշամարիտ է այն միտքը, որ «Հզոր է այն ազգը, որն ունի լավագույն ուսուցիչներ...»: Այո, քանզի դուք եք կրթում ու դաստիարակում այն սերունդը, որը պետք է լինի ու դառնա մեր երկրի ապագայի տերն ու կերտողը։Դուք եք փոխանցում գիտելիքի լույսը, ուսուցանում սիրել հողն ու հայրենիքը, դառնալ արժանի զավակ մեր երկրի համար։Մեզ պետք է հայրենասիրությամբ տոգորված, դժվարությունների առջև կանգ չառնող, ապագայի նկատմամբ հավատ ունեցող սերունդ, որին կվստահվի մեր երկրի վաղվա օրը։Սիրելի՛ ուսուցիչներ,Դուք ստանձնել ու իրականացնում եք վեհ ու պատասխանատու առաքելություն, և անգնահատելի ...
Մանրամասն |
|
|
02.10.24
ՄԵՆՔ ՁԵՐ ԽՈՐՀՈՒՐԴՆԵՐԻ ԵՎ ՕՐՀՆՈՒԹՅԱՆ ԿԱՐԻՔՆ ՈՒՆԵՆՔ
|
|
Հոկտեմբերի 1-ին` Տարեցների միջազգային օրը, Մասիս համայնքի ղեկավարի առաջին տեղակալ Նորայր Հակոբյանն այցելեց Մասիս համայնքի ամենատարեց բնակչին` 100-ամյա Անգին Հայրապետյանին, ով բնակվում է Նոր Խարբերդ բնակավայրում։Ա. Հայրապետյանի ընտանիքը Մասիս համայնքում հանգրվանել է 2023թ-ին` արցախցիների բռնի տեղահանումից հետո։Անգին տատիկը դժվարությամբ ու ցավով է հիշում ապրած տարիները, և ծերունական աչքերը լցվեցին արցունքներով, երբ հիշեց 2023 թվականի իրադարձությունները։Համայնքի ղեկավարի առաջին տեղակալն Անգին տատիկին մաղթեց առողջություն ու երկար տարիների կյանք, քանի որ երիտասարդները միշտ էլ ունեն ավագ սերնդի ներկայացուցիչների խորհուրդների, նաև` օրհնության կարիքը։Իսկ 100-ամյա Անգին տատիկն ուզում է, որ երկրում խաղաղություն ...
Մանրամասն |
|
|
02.10.24
ՀՈԿՏԵՄԲԵՐԻ 1-Ը ՏԱՐԵՑՆԵՐԻ ՄԻՋԱԶԳԱՅԻՆ ՕՐՆ Է
|
1990 թվականից ի վեր միջազգային հանրությունը հոկտեմբերի 1-ը նշում է որպես Տարեցների միջազգային օր։ Ավագ սերնդի ներկայացուցիչները մշտապես գտնվել և գտնվում են Մասիսի համայնքապետարանի աշխատակազմի ուշադրության կենտրոնում։ Խորհրդանշական այս օրը ևս մեկ առիթ էր արտահայտելու ուշադրությունն ու հոգածությունը նրանց նկատմամբ։ Մասիսի համայնքապետարանի նախաձեռնությամբ օրը տոնականորեն նշվեց Մասիս համայնքում գործող բարեգործական ճաշարանի շահառուների համար։ Երգ-պար, հյուրասիրություն և, իհարկե, բազմաթիվ մաղթանքներ։ Մասիս համայնքի ղեկավարի առաջին տեղակալ Նորայր Հակոբյանը ջերմորեն շնորհավորեց Տարեցների միջազգային օրվա առթիվ և ավագ սերնդի ներկայացուցիչներին մաղթեց, որ լինեն առողջ ու միշտ ջերմությամբ շրջապատված: |
|
|
27.09.24
ՄԱՍԻՍ ՀԱՄԱՅՆՔԻ ՂԵԿԱՎԱՐ ԴԱՎԻԹ ՀԱՄԲԱՐՁՈՒՄՅԱՆԻ ԽՈՍՔԸ 44-ՕՐՅԱ ՊԱՏԵՐԱԶՄԻ ՏԱՐԵԼԻՑԻ ԱՌԹԻՎ
|
|
Սիրելի՛ հայրենակիցներ,Այսօր Արցախյան 44-օրյա պատերազմի 4-րդ տարելիցն է։ Պատերազմ, որը խորը վերք թողեց բոլորիս սրտերում, չսպիացող վերք ու չամոքվող վիշտ:Պատերազմը մեր ժողովրդի ընտրությունը չէ: Պատմության ընթացքում մեր ժողովուրդը բազում փորձություններ է հաղթահարել, զենք վերցրել ու գնացել գիտակցված մահվան: Հայը ստիպված է եղել պայքարել ինքնության պահպանման, հանուն հայրենիքի ու հանուն վաղվա օրվա:Գիտակցված մահվան գնացին նաև հազարավոր հայորդիներ, ովքեր 44 օր շարունակ հակահարված հասցրեցին թշնամուն, պայքարեցին և զոհվեցին՝ պաշտպանելով Արցախի Հանրապետության և մեր երկրի անվտանգությունը:44-օրյա պատերազմին հաջորդող տարիները ոչ միայն չսպիացրին վերքերը, այլև նոր ցավ ու վիշտ ավելացրին։Սակայն, այսօր մենք իրավունք ...
Մանրամասն |
|
|
27.09.24
ՏԵՂԵԿԱՑՈՒՄ
|
|
Մասիս համայնքի 2024թ. կարիքների համար գրասենյակային գույքի ձեռքբերման նպատակով (2 չափաբաժին) հայտարարվել է ԱՄՄՀ-ԷԱՃԱՊՁԲ-24/102 ծածկագրով էլեկտրոնային աճուրդ, որն իրականացվում է eauction.armeps.am համակարգի միջոցով: Հայտերի բացման նիստը տեղի կունենա հայտարարության հրապարակման օրվանից հաշված 12-րդ օրը`ժամը 10:00-ին:********* Մասիս համայնքի 2024թ. կարիքների համար համակարգչային տեխնիկայի ձեռքբերման նպատակով (3 չափաբաժին) հայտարարվել է ԱՄՄՀ-ԷԱՃԱՊՁԲ-24/103 ծածկագրով էլեկտրոնային աճուրդ, որն իրականացվում է eauction.armeps.am համակարգի միջոցով: Հայտերի բացման նիստը տեղի կունենա հայտարարության հրապարակման օրվանից հաշված 12-րդ օրը՝ ժամը 10:00-ին:
|
|
|
27.09.24
ԿՌԻՎՆԵՐՈՒՄ ԸՆԿԱՆ ՆՐԱՆՔ.
ԱՄԵՆ ՄԵԿԸ` ՄԻ ՏԱՆ ՃՐԱԳ
|
Այսօր Արցախյան 44-օրյա պատերազմի 4-րդ տարելիցն է: Պատերազմ, որ խլեց հազարավոր հայորդիների կյանքեր, որ անավարտ թողեց բազում նվիրական երազանքներ: «Կռիվներում ընկան նրանք. Ամեն մեկը՝ մի տան ճրագ, Ամեն մեկը՝ մի մոր որդի, Ամեն մեկը՝ մի աղջկա Երազանքը անապական, Կնոջ՝ սերը, հոր՝ ապագան... Ամեն մեկը՝ անգիր մի վեպ, Ամեն մեկը անգին մի կյանք...»։ Նրանք ընկան, որ անառիկ մնան Արցախն ու մայր հայրենիքը։ Նրանք ընկան, որ... Մասիսի համայնքապետարանի աշխատակիցներն այսօր այցելեցին Արցախյան պատերազմներում անմահացած մասիսցի հերոսների հիշատակը հավերժացնող պանթեոն և իրենց հարգանքի տուրքը մատուցեցին` խոնարհելով ծաղիկներ, վերհիշելով 44-օրյա պատերազմի օրերն ու ապրումները։ Հավերժ փառք ու խոնարհում...  |
|
|
26.09.24
ՍՏՈՐԱԳՐՎԵՑ ՀԱՄԱՁԱՅՆԱԳԻՐ՝ ՔՈՒՅՐ ՔԱՂԱՔՆԵՐ ԴԱՌՆԱԼՈՒ ՄԱՍԻՆ
|
|
Այսօր Մասիս խոշորացված համայնքի և ֆրանսիական Էքս ան Պրովանս քաղաքի միջև ստորագրվեց համաձայնագիր՝ քույր քաղաքներ դառնալու մասին:Հիմք ընդունելով 1992թ․-ի փետրվարի 24-ին Ֆրանսիայի և Հայաստանի միջև պաշտոնական դիվանագիտական հարաբերությունների հաստատումը, ինչպես նաև երկու համայնքների միջև ձևավորված ջերմ, բարեկամական կապերը, և ցանկանալով ամրապնդել այդ կապերը՝ հաստատելով ամուր հարաբերություններ և համագործակցային գործողություններ, երկու կողմերը համաձայնեցին.Առաջնորդվելով արդարության և անաչառության սկզբունքներով՝ հարաբերությունների խորացման նպատակով, Էքս ան Պրովանս քաղաքը և Մասիս խոշորացված համայնքը պարտավորվում են՝ խրախուսել և զարգացնել փորձի փոխանակումը և իրագործել համատեղ ծրագրեր՝ ի շահ տեղական զարգացման, ...
Մանրամասն |
|
|
23.09.24
ՊԱՀՊԱՆԵԼՈՎ ԱՐՑԱԽՅԱՆ ՄՇԱԿՈՒՅԹԸ
|
Մասիս համայնքում բնակություն հաստատած սիրելի արցախցիներ,  Սույն թվականի սեպտեմբերի 30-ին՝ ժամը՝ 17:00-ին, «Դիզակ Արտ» ՄՀԿ թատերախումբը Մասիս քաղաքի Առնո Բաբաջանյանի անվան երաժշտական դպրոցում հանդես կգա «Արա պա ստի պեն կինի՞» ներկայացմամբ։  ՀՀ ԿԳՄՍ նախարարության աջակցությամբ «Դիզակ ԱՐՏ» մշակութային ՀԿ-ն ««Կծեգ» Արցախի բարբառների հանրահռչակում» ծրագրի շրջանակում նախաձեռնել է «Արա պա ստի պեն կինի՞» թատերական ներկայացումը:  Ծրագրի նպատակը հայկական ոչ նյութական մշակութային ժառանգության կարևոր դրսևորումներից մեկի՝ Լեռնային Ղարաբաղի բարբառների կենսունակության ապահովումն է: |
|
| 1 2 3 4 5 6 7 8 9 10 ... |